प्रहरी परिसर ललितपुरका प्रहरी वरिष्ठ उपरीक्षक (एसएसपी) यज्ञविनोद पोखरेलले चार जनाको घटनास्थलमा र दुई दिनको शिशुको उपचारका क्रममा लैजाँदै गर्दा बाटोमा मृत्यु भएको जानकारी दिनुभयो ।
उहाँका अनुसार सोमबार बिहान घरमै चार जना शंकास्पद अवस्थामा मृत फेला परेका थिए भने थप एक जनालाई उपचारका लागि पाटन अस्पताल पुग्याउँदा चिकित्सकले मृत्त घोषणा गरेका थिए । अर्का एक जनाको अस्पतालमा उपचार भइरहेको उहाँले बताउनुभयो । सुत्केरी महिला भएकाे साे घरमा आगाे बालेकाे काेइला फेला परेकाे र केहीले बान्ता समेत गरेकाे पाइएकाे प्रहरीले जनाएकाे छ । आगाे बालेकाले सफाेकेशन भएर मृत्यु हुन सक्ने प्रहरीकाे अनुमान छ । बान्ता गरेकाले विष शेवन पनि हुन सक्ने भन्दै पाेस्टमार्टम पछि मात्र बास्तबिकता थाहा हुने एक प्रहरी अधिकारीले बताए ।
घरैमा मृत्यु हुनेमा ५५ वर्षीया काइली स्याङ्ताङ, २३ वर्षीया सुष्मा स्याङ्ताङ, नाै वर्षीय आशिष स्याङ्ताङ र सात वर्षीया आश्मा स्याङ्ताङ रहेको एसएसपी पोखरेलले जानकारी दिनुभयो । त्यस्तै, २३ वर्षीय शुभ स्याङ्ताङको पाटन अस्पतालमा उपचार भइरहेको छ ।gorkhapatra