श्याम थापा
सुस्ता – पश्चिम् नवलपरासी सुस्ता गाउँपालिका नरसहीको श्रीरामपुरमा २ घरमा आगो लागेर घर पुर्ण रुपमा नस्ट भएको छ। मंगलवार राति करिब ८ बजे तिर कन्हैया चमार र मुराली चमार दाजुभाइको घरायसी झगडा भई कान्छो भाई मुराली चमारले दाई कन्हैया चमारको घरमा आगो लगाई फरार भएको थियो ।
मुरालीले लगाएको कन्हैयाको घरमा आगोलाई स्थानीय र प्रहरीले नियन्त्रण लिन खोज्दाखोज्दै सङै जोडिएको आमाको घर पनि जलेर नस्ट भएको हो ।
श्रीरामपुरका कन्हैया चमार र उनको आमा झिमिया चमारको खरले छाएको २ घर आगोले पुर्ण रुपमा नस्ट भएको स्थानीय समाजसेवी मनोज सिंहले जनाएको छ ।
कन्हैया चमारको घरमा आगो लागेर ५० के।जि चामल, ५० के.जि गेहुँ खाद्द्न्न, लत्ताकपडा, बिधुतिय सामाग्री र नगद रकम २०,००० जलेर नस्ट भएको छ भने उनको आमाकोमा ३० के.जि चामल, ३० के।जि गेहुँ खाद्द्न्न, लत्ताकपडा, आवश्यक कागजात जलेर भएको नस्ट छ । कन्हैया चमार को करिब ८०,००० को क्षति भएको छ भने झिमिया चमारको करिब ५२,००० बराबरको क्षती भएको छ।
सुस्ता ४ नर्सहीको श्रीरामपुर बस्ने बर्ष २१ को मुराली चमारले दाइ कन्हैयाको घरमा आगो लगाई फरार भएको थियो भने फरार भएको मुराली चमारलाई बैषाख २५ गते करिब ८ बजे श्रीरामपुर गाउँबाट पक्राउ परेको नर्सही प्रहरी चौकीका ईन्चार्ज बिनोद महतोले जानकारी दिनुभयो ।