सुस्ता – दोस्रो सुस्ता अध्यक्ष कप खुल्ला पुरुष फुटवल प्रतियोगिता सुस्ता –४ नर्सहीमा शुरु भएको छ । शनिवार प्रदेश सभा सदस्य दिपेन्द्र कुमार अधिकारीले फुटवलको उद्घाटन गर्नुभयो । प्रमुख अतिथि अधिकारीले खेलकुदले जिवनलाई स्वस्थ्य बनाउन सहयोग गर्ने बताउनुभयो ।
सुस्ता दोस्रो अध्यक्ष कप फुटवल प्रतियोगिता मुल आयोजक समितिका संयोजक समेत रहेका पालिका अध्यक्ष राम प्रसाद पाण्डेयको अध्यक्षतामा उद्घाटन कार्यक्रम भएको थियो ।
कार्यक्रममा अध्यक्ष पाण्डेले खेलकुदका लागि पालिकाले आफ्नो क्षमता अनुसार काम गरेको जानकारी दिनुभयो ।अध्यक्ष पाण्डेले युवा पंक्तिलाई सही मार्गमा ल्याउन समेत खेलकुदको बिशेष भुमिका हुने बताउनुभयो ।
कार्यक्रममा सुस्ता गाउँपालिकाकी उपाध्यक्ष इन्द्र कुमारी थरुनी , सरावल खेलकुद बिकास समितिका अध्यक्ष महेन्द्र चौधरी,मदन भण्डारी स्पोर्ट्स एकाडेमीका केन्द्रिय सदस्य डा.सुबास चन्द चौधरीले बोल्नुभएको थियो ।
कार्यक्रममा स्वागत मन्तव्य सुस्ता गाउँपालिका वार्ड न ४ का वडाध्यक्ष अशोक कुमार गुरुङ्ग र संचालन सुस्ता गाउँपालिका कार्यालयका योजना तथा प्रशासन प्रमुख बिष्णु प्रसाद ढकालले गर्नुभएको खेल संयोजक धीरज गुरुंगले स्थानीयपत्रलाई जानकारी दिनुभयो ।
कार्यक्रममा बिभिन्न तहका खेल प्रेमीहरुको उल्लेख्य उपस्थिति रहेको प्रमुख प्रशासकीय अधिकृत बुद्ध प्रकाश पौडेलले बताउनुभयो ।खेल संयोजक गुरुंगका अनुसार प्रतियोगिताको उद्घाटनकै दिन भएको प्रतियोगितामा सुस्ता ११ र नव युवा कल्ब बर्दघाट १६ सुर्यनगरबीच खेल भएको छ । खेलमा सुस्ता ११ लाई नव युवा कल्ब बर्दघाट १६ सुर्यनगरले ० का बिरुद्ध एक गोलले पराजित गरेको छ । प्रतियोगितामा १२ टीम सहभागी छन् ।
प्रतियोगितामा प्रथम हुने टिमले १ लाख ५० लाख रुपैया र द्धितीय हुने टिमले १ लाख प्राप्त गर्नेछन् । त्यस्तै फागुन २५ गते राइजिङ स्टार भुमही र मायादेवी युवा कल्व देवदहबीच खेल हुने गुरुंगले जानकारी दिनुभयो ।