नवलपरासी – बालबालिकालाई स्वच्छ पानी पिउन सहज होस् भन्ने उद्धेश्यले बर्दघाट–४ निवासी युवा समाजसेवी दीपक लम्सालले नव दिब्य ज्योति आधारभुत बिद्यालयमा धारा मर्मत तथा निर्माण गरिदिनुभएको छ । बर्दघाट खानेपानी तथा सरसफाई उपभोक्ता संस्थाका उपाध्यक्ष तथा खानेपानी सुरक्षा योजना समितिका संयोजक समेत रहनुभएका लम्सालले ३५ हजार ६ सय रुपैया खर्च गरेर धाराको मर्मत एंव सौन्र्दयीकरण समेत गरिदिनुभएको हो । लम्सालले पाँचबटा धारा तथा धारा भएको स्थानमा टायल समेत लगाइदिनुभएको बिद्यालयले जनाएको छ । बालबालिकालाई सहजै स्वच्छ पानी पिउने प्रबन्धका लागि धारामा आफूले खर्च गरेको लम्सालले बताउनुभयो ।
