होलीकेयरको २९ औं बार्षिकोत्सव तथा अभिभावक दिवस शुरु

रामु भुसाल
बर्दघाट – होली केयर इङ्गलिस सेकेन्डरी स्कुल बर्दघाट–५ पालडाडा नवलपरासीको २९ औ वार्षिकोत्सव तथा अभिभावक दिवस आइतबार देखि शुरु गरिएको छ ।
उद्घाटनको दिनको कार्यक्रम बिद्यालय संचालक समितिका अध्यक्ष लोक प्रसाद पाण्डेयको अध्यक्षता बर्दघाट नगरपालिका शिक्षा शाखा प्रमुख उप सचिव लोक राज पन्थीको प्रमुख आतिथ्यमा भएको थियो । कार्यक्रममा बोल्दै प्रमुख अतिथि पन्थीले सामुदायिक बिद्यालय र संस्थागत बिद्यालय बिच एक आपसमा बिरोधी भावना नराखी शिक्षाको लागि स्वच्छ प्रतिस्पर्धा गर्नुपर्ने बताउनु भयो ।
पन्थीले अबको शिक्षा निर्वाहमुखी नभई ब्यबहारिक प्राविधिक र समयसापेक्ष हुनुपर्ने बताउदैँ हालको विश्व बजारमा प्रतिष्पर्धा गर्न र नेपालमै टिक्न सक्ने विद्यार्थी उत्पादन गर्न जरुरी रहेको धारणा व्यक्त गर्नुभयो ।
कार्यक्रममा जिसन नवलपरासीका सचिव यज्ञ प्रसाद न्यौपानेले राज्यले अहिले संस्थागत बिद्यालय लाई सौतेलो व्यबार गरेको आरोप लगाउदै नीजि बिद्यालयले कुशल जनशक्ति उत्पादन गरेको जिकिर गर्नु भयो। । २ दिन सम्म संचालन हुने सो दिवसमा अध्यनरत बिद्यार्थीहरुको बिभिन्न प्रस्तुति रहेको थियो भने विद्यालयको शैक्षिक लगायत अन्य गतिविधिमा उत्कृष्ट विद्यार्थीहरुलाई पुरस्कार तथा सम्मान प्रदान गरिएको थियो ।
बिद्यालयका सहायक प्रधानाध्यापक तिर्थ प्रसाद सापकोटाको स्वागत मन्तव्य रहेको कार्यक्रमको सञ्चालन विद्यालयका शिक्षक लक्ष्मी गुरुङ र षणेन गुरुङले गर्नुभएको थियो । सोमबार अन्य विविध कार्यक्रम गरि दिवस सन्पन्न गरिने बिधालयका प्रधानाध्यापक इन्द्र गुरुङले जानकारी दिनु भयो ।