विद्यार्थीलाई पठनपाठनमा अभिरुची प्रदान गर्न विद्यालयमा ‘बुक बस’

विद्या सागर विद्यालयमा भाद्र २६ गते शुरु भई ३० गते समापन हुनेछ भने आजाद उच्च माध्यमिक विद्यालयमा भाद्र ३१ देखि आश्विन ४ गतेसम्म हुनेछ । चैतन्य माध्यमिक विद्यालयमा भने आश्विन ५ र ६ गते दुई दिन हुनेछ । बुक बसले विद्यार्थी तथा समुदायमा पठनपाठनको अभिरुचि वृद्धि गर्ने, सिर्जनात्मक सोचाई तथा क्रिटिकल थिङ्किगंको विकास गर्ने र विधार्थीहरुलाई अर्थपूर्ण तथा स्मरणिय शिक्षा प्रदान गर्ने अवसरको सृजना गर्ने कार्यक्रम संयोजक साम्भवी श्रेष्ठले बताउनु भयो ।

पुस्तक पाठन र कथा वाचन अन्तर्गत विद्यार्थी सामु पुस्तक पाठन गर्ने र पुस्तकबारे विद्यार्थीहरुसँग छलफल गरी कथामा आधारित सृजनात्मक कृयाकलाप गर्न प्रोत्साहन गरिने कार्यक्रम संयोजक रुबीना प्रधानले बताउनु भयो । उक्त कार्यक्रम साम्भवी श्रेष्ठ र रुवीना प्रधानले संयोजन गरिरहनु भएको छ । त्यस्तै सिभिल राइट्स् एण्ड लीबरटीज्मा विधार्थीहरुसँग नागरिक अधिकार, स्वतन्त्रता, असमानता, निष्पक्षता, र न्यायका अवधारणाकाबारे छलफल गरिनेछ । स्टिम कार्यशालामा विद्यार्थीहरुलाई परिचयात्मक रुपमा वैज्ञानिक प्रक्रियाको प्रयोग गरि सोच्न र ज्ञान प्राप्त गर्न प्रोत्साहन गरिनेछ ।

मिडिया साक्षरता र जलवायु परिवर्तन कार्यशलामा विद्यार्थीहरुको समाचार तथा सामाजिकं सञ्जालमा पाइने जानकारीहरु बुझ्ने र विश्लेषण गर्ने क्षमता निर्माण गरिनेछ । लोक नाटक मञ्चनमा विद्या सागर स्कुल र आजाद उच्च माध्यमिक विद्यालयमा मझुवा बगर जनकला मन्च नाटक समूहद्वारा जलवायु परिवर्तन र वातावरणका बारे लोक नाटक मञ्चन गरिनेछ ।सिर्जनात्मक शैलीमा पठनपाठन गर्ने अवसर अनुपस्थित वा कम भएका तथा पुस्तकालयसम्म पहुँच नरहेका क्षेत्रमा बुक बस कार्यक्रम जाने गरेको छ । बुक बसले सिर्जनात्मक शैलीमा सिक्ने अवसर तथा सामुदायिक पुस्तकालयको अवधारणालाई प्रर्वद्धन गर्दै समुदायका सदस्यहरूलाई आफ्नो समुदायमै यस्ता स्थान निर्माण गर्न प्रोत्साहन दिने संयोजक साम्भवी श्रेष्ठले बताउनु भयो । newsofnepal