बर्दघाट – दाउन्नेदेवी मावि बर्दघाट–४ का पूर्व बिद्यार्थी भेला काठमाण्डौ र नवलपरासीमा एकैसाथ भएको छ । बिद्यालयको स्वर्ण जयन्ती मनाउने तयारीको स्वरुप भेला गरिएको हो । शनिवार काठमाण्डौको मिनभवन र दाउन्ने देवी माविको प्रांगणमा गरी छुट्टाछुट्टै स्थानमा एकैदिन भेला गरेर बिद्यालयको स्वर्ण महोत्सवलाई सफल बनाउने बारे छलफल भएको बिद्यालयका प्रधानाध्यापक चिरञ्जिवी खनालले जानकारी दिनुभयो ।
बिद्यालयमा भएको कार्यक्रममा बिद्यालय ब्यवस्थापन समितिका अध्यक्ष रमेश बस्यालले स्वर्ण महोत्सव मनाउने क्रममा लाग्ने बजेट प्रस्तुत गर्नुभएको थियो । आजको बर्दघाट पोष्ट दैनिकले पहिलो पृष्ठमा समाचार प्रकाशित गरेको छ
।