रेशम अधिकारी, काठमाडौँ । कोरोना महामारीका कारण दुई वर्ष रोकिएको पशुपतिमा लाग्ने मेला यसवर्ष स्वास्थ्य मापदण्ड पूरा गरेर सावधानीसाथ सञ्चालन गरियो । सधैं झै पशुपतिनाथको दर्शन गर्न र शिवरात्रि पर्वको मेला अबलोकन गर्नकै लागि नेपाल र भारतका भक्तजनहरू घुइँचो लाग्यो ।
शिवरात्रीको दिन मंगलबारमात्र ७ लाख बढी दर्शनार्थी पशुपति आएको अनुमान गरिएको छ ।
पशुपतिमा थेगी नसक्नु भिडकै कारण शिवरात्रीको दिन (मंगलबार) मन्दिरको आर्यघाटमा रहेको पुलको पर्खाल भत्कियो । दक्षिणतर्फको पुलको उत्तरतिरको भाग भत्किँदा दुई जना घाइते भए । प्रहरीका अनुसार पुल जीर्ण छ भन्ने खबर थियो, त्यसैले त्यता नजान प्रहरी सचेत गराइरहेको थियो ’ ‘यद्यपि पुल भत्कियो, तर प्रहरी नजिकै भएकाले धेरै क्षति हुन पाएन ।’
महाशिवरात्री सकिएसंगै मेलामा आएका साधुसन्तहरुलाई बिहीबार बाटो खर्चसहित बिदाइ गरियो ।
यद्यपि महाशिवरात्री सकिए पनि पशुपतिनाथ मन्दिर परिसरमा भिड भने उस्तै छ । यसै पनि सोमबार र शनिबार मन्दिर परीसर भिड हुन्छ । महाशिवरात्रिको भोलिपल्ट अर्थात् फागुन १८ गतेदेखि एक हप्ता पशुपति क्षेत्रस्थित वनकालीमा मेला सञ्चालनमा छ । मन्दिर दर्शन भन्दा पनि मेला अबलोकन गर्नेको भिड शनिबार बढी देखिथ्यो । मेलामा बालबालिका एवं वयस्कका लागि समेत पिङलगायतका खेलहरुमा भिड अत्यधिक देख्न सकिन्थ्यो ।
मेला अबलोकनसंगै विभिन्न सामग्रीको किनमेल तथा मिठो खानाका परिकाको स्वाद लिन पाइने भएकाकाले आफु बुटवल देखि राजधानी आएको मेलामा भेटिएका निशात पंगेनीले बताए । स्थानीयका अनुसार शनिबार सार्वजनिक विदा र मेला सकिन ३ दिन मात्र बांकी भएकाले दर्शकको चाप बढेको हो ।setomasi