पेट्रोलियम पद्धार्थमा गरिएको मुल्य बृद्धिको बिरोधमा कोणसभा

नवलपरासी २८ कार्तिक – नेकपा (क्रान्तिकारी माओवादी) जिल्ला समिति पश्चिम नवलपरासीको आयोजनामा पेट्रोलियम पदार्थमा गरिएको मुल्य वृद्धिको बिरोध कार्यक्रम गरिएको छ ।
बर्दघाट–९ भुताहाबजारमा आइतबार मुल्य वृद्धि विरुद्ध बिरोध कार्यक्रम गरिएको हो । कार्यक्रममा क्रान्तिकारी माओवादी प्रदेश सदस्य रवि पाण्डेयले पेट्रोल र ग्यासमा गरिएको मूल्य वृद्धिले महङगी वृद्धि भएको बताउनुभयो । पेट्रोलियम बृद्धिले यातायातको भाडा बृद्धि हुन्छ भाडा बृद्धिले महंगी बढ्छ’–उहाँले भन्नुभयो – जनताको दैनिक उपभोग्य सामानमा मुल्य बृद्धिले प्रत्यक्ष प्रभाव पार्छ । यस्तो संबेदनशिल बिषयमा समेत सरकार गम्भिर भएन । जनताकै ढाड सेक्न उद्यत देखियो ।
उहाँले यथाशिघ्र मूल्य वृद्धि फिर्ता लिन हुने सरकार सङ्ग माग गर्नुभयो । आयल निगमका कर्मचारी तथा ब्यवस्थापनलाई कमिशन र भत्ता खुवाउन पेट्रोल र ग्यासमा मूल्य वृद्धि गरिएको उल्लेख गर्दै पाण्डेयले त्यसको प्रत्यक्ष असर जनजिबिकामा परेको बताउनुभयो । ’आयल निगममा हुने अनियमिता हटाए मूल्य बढाउनु पर्दैन’ – उहाँले भन्नुभयो– दलाल सरकारको ध्यान त्यता तिर जादैन । हरेक क्षेत्रमा संसदीय ब्यवस्था असफल सिद्ध भइरहेको सन्र्दभमा राख्दै युवा नेता पाण्डेयले भारतलाई सस्तोमा बिजुली बेच्ने सरकारले आफ्नै नागरिकसंग झण्डै तीन गुणा बढी लिने गरेको तथ्य राख्नुभयो । अहिले हामीले औसत नौ दश रुपैया प्रतियुनिट बिजुली पाइएको छ – उहाँले भन्नुभयो – उता भारतलाई ४ रुपैया प्रतियुनिट बिजुली बेच्न सरकार तरखरमा छ । उर्जामा मुलुक आत्मनिर्भर भएको सस्तो प्रचारबाजी गर्नु भन्दा बिद्युतबाट चल्ने सवारी साधन र बिद्युतीय चुल्होमा समेत बिशेष अनुदान दिनुपर्ने उहाँको भनाई छ । कार्यक्रम सो पार्टीका जिल्ला सेक्रेटरी छबिलाल खरेलको नेतृत्व र बर्दघाट नगर सेक्रेटरी रामचन्द्र पोख्रेलको संचालनमा भएको नगर सेक्रेटरी चुडामणि भण्डारीले जानकारी दिनुभयो ।
कार्यक्रममा पेट्रोलियम पद्धार्थमा गरिएको मुल्य वृद्धि फिर्ता गर । भष्ट्रचारको अन्त्य गर लगायतका नाराबाजी गरिएको थियो ।