बर्दघाट : बर्दघाट खानेपानी तथा सरसफाई उपभोक्ता संस्थाका ब्यवस्थापक बिष्णुकुमार भुसालका पिता खिमलाल भुसालको स्मृतिमा श्रद्धाञ्जली सभा गरिएको छ । सोमवार बर्दघाट –४ हरियाली नगरस्थित भुसाल निवासमा आयोजित कार्यक्रममा बोल्दै संस्थाका अध्यक्ष धातानन्द बस्यालले जन्म र मृत्यु प्राकृतिक नियम हुदाँ हुदै पनि मृत्युले सबैलाई पीडा दिने उल्लेख गर्दै नेपाली समाजमा मानिसको मुल्याकन मृत्यु पछि हुने गरेको बताउनुभयो । उहाँले शोकलाई शक्तिमा बदल्दै बुवाको प्रेरणाबाट र उहाँका सपना पुरा गर्न लाग्नुपर्ने बताउनुभयो । सभामा खिमलाल भुसालका छोरा तथा संस्थाका ब्यवस्थापक बिष्णु कुमार भुसालले वुवाले देखाएको समाज रुपान्तरणको बाटोमा हिड्ने अठोट ब्यक्त गर्नुभयो । उहाँले बुवाको प्रेरणाबाट आफुले समाजमा केही गर्नुपर्छ भन्ने भावना प्राप्त गरेको र सोही मार्गबाट यहाँ सम्म आएको स्मरण गर्नुभयो । कार्यक्रममा संस्थाका उपाध्यक्ष दिपक लम्साललगायतको पदाधिकारी कार्यसमिति समितिका सदस्य तथा बिभिन्न समितिका सदस्यहरु एंव कर्मचारीहरुको उपस्थिति रहेको थियो । कार्यक्रम संस्थाका सचिव धनबहादुर गुरुंगको संचालनमा भएको थियो ।
