गुल्मी । गुल्मीको भाडगाउँमा २१ वर्षीय सम्झना बोहराको हत्या गरेको आरोपमा एक अभियूक्तलाई प्रहरीले सार्वजनिक गरेको छ। रेसुंगा नगरपालिका–३ भाडगाउँमा २१ वर्षीया सम्झना बोहराको हत्याको आरोपमा ४७ वर्षीय लालबहादुर खत्रीलाई प्रहरीले बिहीबार सार्वजनिक गरेको हो ।
जिल्ला प्रहरी कार्यालय गुल्मीका प्रहरी नायव उपरीक्षक पुरुषोत्तम पाण्डेले खत्रीले हत्या स्वीकार गरेको बताए ।
सम्झना गत माघ २९ गते रातिदेखि बेपत्ता भएकी थिइन्। लालबहादुरले २९ गते नै हत्या गरेको हुनसक्ने प्रहरीले अनुमान गरेको छ। बेपत्ता भएको १८ दिन पछि फागुन १७ गते सम्झनाको शव घरनजिकैको झाडीमा टाउको बोरामा र बाँकी भाग स्याउला र ढुंगाले ढाकेको अवस्थामा फेला परेको थियो। सम्झना बेपत्ता भएको दुई दिनपछि सासु तोमकली खत्री घर नजिकै खनियाको रुखमा झुन्डिएको अवस्थामा फागुन २ गते फेला परेकी थिइन्।
Lumbini times