जुट्दैछ राहत रकम – आमा समुहले समेत दियो ११ हजार १ सय ५ रुपैया

लक्ष्मी घिमिरे
बर्दघाट २० चैत्र – नव जागृति आमा समुह बर्दघाट–४ पिपलनगर( थारु गाउ) ले बर्दघाट नगरपालिका प्रकोप ब्यवस्थापन कोषमा ११ हजार एक सय ५ रुपैया प्रदान गरेको छ । अतिबिपन्न तथा दैनिक ज्यालादारीका मजदुरहरुलाई खाद्यान्नलगायत राहत प्रदान गर्न ब्यवस्था गरिएको सो कोषमा आमाहरुले गरेको वचतबाट सो रकम दिइएको हो । समुह उपाध्यक्ष सरस्वती कण्डेलले सो रकम नगर प्रमुख धीरज शर्मा बस्याललाई प्रदान गरेको समाजसेवी सरिता खनालले जानकारी दिनुभयो ।