संयुक्त रूपमा माओ दिवस मनाउने तयारी गर्दै तीन वटा कम्युनिष्ट पार्टी

नवलपरासी – तीन वटा कम्युनिष्ट पार्टीले पश्चिम नवलपरासी सहित देशैभर संयुक्त रूपमा १३० औँ माओ दिवस मनाउने भएका छन् ।  नेकपा (क्रान्तिकारी माओवादी), नेकपा (बहुमत), र नेकपा मशालले संयुक्त रूपमा १३० औँ माओ दिवस मनाउने भएका हुन् । तीनै पार्टीले देशभर विभिन्न सिर्जनात्मक कार्यक्रमका साथ संयुक्त रूपमा माओ दिवस मनाउने निर्णय भएको हो ।  देशभर संयुक्त रूपमा माओ दिवस मनाउन नेकपा (बहुमत) का प्रवक्ता सुदर्शन, नेकपा (क्रान्तिकारी माओवादी) का स्थायी समिति सदस्य सीपी गजुरेल र नेकपा मशालका नेता चिन्तामणि पौडेल रहेको १३० औँ माओ दिवस आयोजक समिति गठन गरिएको थियो ।

विश्व सर्वहारा वर्गका महान् नेता कमरेड माओ २६ डिसेम्बर १८९३ मा जन्मिनुभएको थियो । माओको जन्मदिनमा संसारभरका मालेमावादीहरूले सिर्जनात्मक–वैचारिक कार्यक्रम गरी माओ दिवस मनाउने गर्छन् ।

यसैबीच बर्दघाट–२ चिसापानीमा संयुक्त कार्यक्रम गरेर माओत्से तुङलाई स्मरण गर्ने कार्यक्रम रहेको क्रान्तिकारी माओवादीका जिल्ला ईञ्चार्ज क्षेत्रबहादुर थापा क्षेत्रीले जानकारी गराउनुभयो ।