नवलपरासी – ११ जना कर्मचारीमा कोरोना संक्रमण देखिएपछि रामग्राम नगरपालिकाको अत्यावश्यक बाहेकका सेवा बन्द भएको छ । नगरपालिका तथा वडाका ११ कर्मचारीमा कोरोना संक्रमण देखिएकोले अत्यावश्यक बाहेकका सेवा बन्द गर्नुपरेको नगर प्रमुख नरेन्द्र कुमार गुप्ताले जानकारी दिनुभयो । कन्ट्रयाक ट्रेसिंग गर्नुपर्ने भएकोले नगरपालिकाको कार्यालयको मात्र सेवा बन्द गरिएको उहाँले बताउनुभयो । पालिकाका प्रमुख प्रशासकीय अधिकृत राजेश पन्थीले कार्तिक २४ गते सम्म अत्यावश्यक सेवा बन्द गरेको बताउनुभयो ।
