नवलपरासी २६ असोज – बर्दघाट नगरपालिकाका नगर प्रमुख धीरज शर्मा बस्याललाई कोरोेना संक्रमण पुष्टि भएको छ । उहाँले नेशनल ल्याब बुटवलमा सोमवार कोरोना परिक्षण गराउनुभएको थियो ।
नगर प्रमुख बस्याल सहित पत्रकार प्रमोद अर्याललाई समेत कारोना संक्रमण देखिएको हो । लगातार रुघा खोकी र ज्वरो आएपछि पिसिआर परिक्षण गरिएको र परिक्षणमा कोरोना पोजिटिभ देखिएको नगर प्रमुख बस्यालले बताउनुभयो । बस्यालले कोरोना संक्रमणबाट बच्न नगरवासीलाई आग्रह समेत गर्नुभयो। साथै आफूसंग प्रत्यक्ष सम्पर्कमा रहेकाहरुलाई कोरोनाको लक्षणहरु देखिएमा नगरपालिकाको स्वास्थ्य शाखामा सम्पर्क गर्न नगर प्रमुख बस्यालले अनुरोध गर्नुभएको छ । संक्रमित दुवै जना अहिले होम आइसोलेशनमा रहेको र दुवैको अवस्था सामान्य रहेको छ ।