नवलपरासी – न्यु लाइफ माध्यामिक बिद्यालयका छात्र सोयम पाण्डेले एसईईको नतिजामा ४ जीपीए ल्याउन सफल हुनु भएको छ । ६३ जना विद्यार्थीले एसईई दिएकामा ७ जनाले ३.६५ जिपिए भन्दा माथि अर्थात ए प्लस ल्याएका छन् । १३ जनाले ए, २३ जनाले बी प्लस, २० जनाले बी ग्रेड सहित शतप्रतिशत विद्यार्थी उत्तिर्ण भएका विद्यालयका प्रिन्सिपल सन्तोष अधिकारीले जानकारी गराउनुभयो । पाण्डेले प्राप्त गरेको अंक लुम्बिनी प्रदेश कै सर्बोत्कृष्ट अंक रहेको विद्यालयले दावी गरेको छ ।
पाण्डे पढाइ लेखाइमा मात्र नभई विद्यालय स्तरमा हुने अतिरिक्त क्रियाकलाप उत्कृष्ट रहनुभएको छ । आफ्ना हजुरबुबा र बुवाको साथमा भेटिएका पाण्डेले यो सफलता प्राप्त गर्दै विद्यालयको समेत नाम राख्न सफल भएकोमा आफ्नो घर परिवार र विद्यालय परिवार प्रति धन्यवाद ज्ञापन गर्नुभएको थियो । त्यसैगरी हजुरबुबा डालाराज पाण्डेले आफ्ना तिनै जना नातीनातीनाहरुले समेत न्यू लाईफमा अध्ययन गरेकै कारण नै उत्कृष्ट नतिजा प्राप्त गरेको भन्दै विद्यालय परिवारलाई धन्यवाद प्रकट गर्नुभयो । विद्यालयका प्रबन्ध निर्देशक डिबी अधिकारीले सबैको साथ र सहयोगका कारण शैक्षिक क्षेत्रमा न्यू लाईफले छुट्टै पहिचान बनाउन सफल भएको बताउनुभयो ।