लोसपा छाडेर एमालेमा गए जनकपुर ७ का वडाध्यक्ष, मेयर उठाउने ओलीको बचन

By स्थानीय पत्र Last updated Apr 19, 2022

लोकतान्त्रिक समाजवादी पार्टी (लोसपा) छाडेर जनकपुरधाम उपमहानगरपालिका वडा नम्बर ७ का अध्यक्ष जानकीराम साह नेकपा एमालेमा प्रवेश गरेका छन्।

एमाले अध्यक्ष केपी शर्मा ओलीले आज बालकोटस्थित निवासमा साहलाई एमालेमा प्रवेश गराएका हुन्।

एमाले अध्यक्ष ओलीले साहलाई जनकपुरधाम उपमहानगरपालिकामा पार्टीबाट मेयरको उम्मेदवार बनाउने प्रतिवद्धता जनाएका छन्।

साह जनकपुरधामको मेयर उठ्ने तयारीमा छन्। उनले केही समयअघि उपमहानगरका पाँच ठाउँमा सम्पर्क कार्यालय नै खोलेका थिए।

उनले मेयर उठ्ने घोषणा गरिसकेका छन्।

यसअघि जनकपुरधाम उपमहानगरमा एमालेले मेयरका लागि शिवशंकर साहको नाम सिफारिस गरेको थियो। तर उनलाई पछि हटाएर जानकीरामलाई मेयरको टिकट दिने तयारीमा एमाले रहेको स्रोतको दाबी छ।

जानकीराम लोसपाबाट मेयरको टिकट नपाउने भएपछि एमाले प्रवेश गरेका छन्। उनी लोसपामा शरतसिंह भण्डारीनिकट थिए। setopati