शीप सिकाउदै बर्दघाट नगरपालिका

नवलपरासी – बर्दघाट नगरपालिकाले शीप सिकाउने कार्यक्रम शुरु गरेको छ । सिटिईभिटी अन्तरगत दिगो तथा सम्मानित रोजगारका लागि शीप परियोजना कार्यगत अभ्यास सहितको तालिम शुक्रवार उद्घाटन गरिएको छ । १० महिने प्रोफेसनल बिल्डिङ इलेक्ट्रिसियन तालिमको एक कार्यक्रमबीच नगर प्रमुख शम्भुलाल श्रेष्ठले उद्घाटन गरेको निमित्त प्रमुख प्रशासकीय अधिकृत लोकराज पन्थीले जानकारी गराउनुभयो ।
कार्यक्रममा नगर प्रमुख श्रेष्ठले तालिममा सिकेका कुरा जीवनमा उतार्दै ब्यवसायिक बन्न सहभागीहरुलाई शुभकामना समेत दिनुभयो । कार्यक्रममा उपप्रमुख रुद्र प्रकाश उपाध्यायले तालिमबाट स्वरोजगार बन्न सकिने बताउनुभयो । कार्यक्रममा निमित्त प्रमुख प्रशासकीय अधिकृत समेत रहेका उपसचिव लोकराज पन्थीले प्रशिक्षार्थीहरुले सिकेका कुरालाई जीवनमा लागु नगरे तालिमको अर्थ नहुने भन्दै नगरपालिकाको बजेट खेर जान नदिन प्रशिक्षार्थीलाई आग्रह गर्नुभयो ।