धनगढीः नेपाली कांग्रेसले कार्बाही गरेका नेता कर्णबहादुर मल्लले आफूहरु पार्टी सभापति तथा प्रधानमन्त्रीविरुद्ध नरहेको बताएका छन्। बिहीबार डडेल्धुरामा आयोजित पत्रकार सम्मेलनमा उनले आफूहरु कांग्रेसका केन्द्रीय सभापति तथा प्रधानमन्त्री शेरबहादुर देउवाविरुद्ध नरहेको बताएका हुन्।
‘हामी शेरबहादुर देउवाको विरुद्धमा न हिजो थियौ, न आज छौ’, उनले भने, ‘पार्टीभित्र उनका गलत क्रियाकलापका विरुद्धमा हामी हिजो पनि थियौ। आज पनि छौ र भोलि जनताका बीचमा पनि लैजान्छौ।’ डडेल्धुरामा आसन्न स्थानीय तहको निर्वाचनमा कांग्रेस बीपी र समिकरणमा रहेको एमालेका उम्मेदवारहरुलाई जिताउन मात्रै जनतामा जाने उनको भनाइ छ। यस्तै उनले आजै सुदूरपश्चिम प्रदेश सभा सदस्यको पद त्याग्ने घोषणा समेत गरेका छन्।
आसन्न स्थानीय तहको निर्वाचनमा उनले नेपाली काँग्रेस बिपीबाट चुनाव लड्ने भन्दै एमालेसँग गठबन्धन गरेका थिए। त्यसपछि काँग्रेसले उनलाई साधारण सदस्यसमेत नरहने गरि पार्टीबाट निष्कासन गरेको थियो। dineshkhabar