काठमाडौँ — पूर्वप्रधानमन्त्री एवं नेकपा एकीकृत समाजवादी) का नेता झलनाथ खनालले नेपालमा सहरहरुको व्यवस्थापन गर्न नसकिएको बताएका छन् । मंगलबार सहरी विकास मन्त्रालयले आयोजना गरेको ‘राष्ट्रिय सहरी नीति, शहरी विकास ऐन र युटिलिटी करिडोर ऐन तर्जुमा सम्बन्धी परामर्श गोष्ठी’मा बोल्दै नेता खनालले यस्तो बताएका हुन् ।
नेता खनालले भने, ‘हाम्रा जति सहरहरू छन्, ती सहरहरू व्यवस्थित हुन सकिरहेका छैनन् । सहरीकरणकै सुरुवात कसरी भयो भन्ने हो भने, संसारमा झन्डै ४ हजारदेखि ३ हजार वर्षको मेसोपोटेमियाको सभ्यतादेखि सुरु भएको कुरा विशेषज्ञहरु भन्ने गर्दछन् । हाम्रै देशमा पनि मोरङको पूर्वतिर भेडियारी भन्ने ठाउँ छ । त्यहाँ ४ किलोमिटर लामो ४ किलोमिटर चौडा एउटा सिटी पुरिएर बसेको छ । त्यसलाई हामीले अहिले पनि उत्खनन गरेका छैनौँ ।’उनले बढ्दो सहरीकरणलाई कसरी व्यवस्थित बनाउन सकिन्छ भन्ने बारेमा गम्भीर भएर सोच्ने बेला आएको पनि बताए । सम्मानित नेता खनालले अब गाउँ र सहर व्यवस्थित बनाउने नीति निर्माण गर्दा दीर्घकालीन रुपमा समस्या ननिम्त्याउने ढंगको ऐन तर्जुमा गर्नुपर्नेमा जोड दिए ।
अनुसन्धान नगरी कुन कालखण्डको सहर भन्न नसकिने पनि नेता खनालले बताए । ‘त्यो कुन कालखण्डको सिटी हो ? मान्छेहरुले भने त्यो विराट राजाको दरबार हो भन्ने गरेका छन् । तर हो कि होइन, हामीले अनुसन्धान नगरीकन पूर्वप्रधानमन्त्री खड्गप्रसाद ओलीले जस्तो ‘राम जन्मेको अयोध्या चितवनमा छ’ भन्नु त भएन । तर त्यो यथार्थ हो । त्यो इसाई संवतभन्दा अगाडिको कुरा हो ।’
आजको युगमा सहरीकरणलाई व्यवस्थित बनाएर लैजाने कुराहरुमा गम्भीरतापूर्वक सोच्नुपर्ने पनि नेता खनालले बताए । । त्यही अनुकुलको नीति निर्माण गर्नुपर्ने आवश्यक्ता छ ।’
नेता खनालले नेपालका केही स्थानहरुमा पुराना सहरहरु लुकेर रहेको भन्दै तिनको अनुसन्धान र खोजी आवश्यकता रहेको बताए । kantipurnews