बर्दघाट–२ चिसापानीमा खो खो उद्घाटन

0

नवलपरासी- बर्दघाट खेलकुद विकास समितिको आयोजनामा नवलपरासी खो खो संघको सहआयोजनामा बर्दघाट–२ चिसापानीमा पालिका तथा अन्तरपालिकास्तरीय खो खो शुरु भएको छ । खेलको बर्दघाट नगरपालिका नगर प्रमुख धीरज शर्मा बस्यालले उद्घाटन गर्नुभयो । कार्यक्रममा नगर प्रमुख बस्यालले खेलकुद जिवनका लागि आवश्यक रहेको बताउदैं खेलकुदबाट नगरको पहिचान समेत बृद्धि हुने विश्वास ब्यक्त गर्नुभयो । उद्घाटन कार्यक्रम समितिका अध्यक्ष सन्तोष श्रेष्ठको अध्यक्षता माया थापाको स्वागत बोल्गा नेपालको संचालनमा भएको थियो । कार्यक्रममा दिब्यज्योति बहुमुखी क्याम्पसका प्रमुख सागरमणी पाण्डेले मन्तब्य राख्नुभएको थियो । खेलमा ८ वटा समुह सहभागी रहेको आयोजकले जनाएको छ । खेलमा प्रशिक्षकहरु गीता पाण्डे,दिनेश यादव, श्यामनारायण कुर्मी, संजीव चौधरीलगायत रहनुभएको छ ।

You might also like