राष्ट्रघाती एमसीसी बिरुद्धको नेपाल बन्द सफल बनाउन नेताहरुद्वारा संयुक्त अपिल

काठमाण्डौ – नेकपा (क्रान्तिकारी माओवादी) सहित पाँच दल र एक मोर्चाका नेताहरुले राष्ट्रघाती अमेरिकी मिलेनियम च्यालेन्ज कर्पाेरेशन (एमसीसी) को विरोधमा आयोजित नेपाल बन्द सफल बनाउन अपिल गर्नुभएको छ । एमसीसीविरुद्ध मोहन वैद्य नेतृत्वको नेकपा (क्रान्तिकारी माओवादी), नेत्रविक्रम चन्द नेतृत्वको नेकपा, ऋषि कट्टेल नेतृत्वको नेकपा, विश्वभक्त दुलाल ‘आहुती’ नेतृत्वको वैज्ञानिक समाजवादी कम्युनिस्ट पार्टी, कर्णजीत बुढाथोकी नेतृत्वको नेकपा माओवादी केन्द्र (समाजवादी) र सीपी गजुरेल नेतृत्वको देशभक्त जनगणतान्त्रिक मोर्चाले बुधबार नेपाल बन्दको घोषणा गरेका छन् । बन्द सफल बनाउन भन्दै नेपाल बन्दको पूर्व सन्ध्यामा देशैभर मसाल जुलुस गरिएको छ । संयुक्त बक्तब्य जारी गर्दै उहाँहरुले यस्तो अपिल गर्नुभएको हो ।

एमसीसीका दलाल र मतियारहरुलाई जनताले नांगेझार पार्ने

नवलपरासी : राष्ट्रघाती अमेरिकी मिलेनियम च्यालेन्ज कर्पाेरेशन (एमसीसी) को विरोधमा आन्दोलनरत कम्युनिष्ट पाँच दल र एक मोर्चाले बुधबार नेपाल बन्दको घोषणा गरेका छन् । नेपाली कांग्रेसले बुधबार बस्ने प्रतिनिधिसभा बैठकमा एमसीसी प्रस्ताव पेश गर्ने निर्णय गरे लगत्तै एमसीसीविरुद्ध आन्दोलन गर्दै आएका विभिन्न ५पाँच दल र एक मोर्चा बुधबार नेपाल बन्दको घोषणा गरेका हुन् ।एमसीसीविरुद्ध मोहन वैद्य नेतृत्वको नेकपा (क्रान्तिकारी माओवादी), नेत्रविक्रम चन्द नेतृत्वको नेकपा, ऋषि कट्टेल नेतृत्वको नेकपा, विश्वभक्त दुलाल ‘आहुती’ नेतृत्वको वैज्ञानिक समाजवादी कम्युनिस्ट पार्टी, कर्णजीत बुढाथोकी नेतृत्वको नेकपा माओवादी केन्द्र (समाजवादी) र सीपी गजुरेल नेतृत्वको देशभक्त जनगणतान्त्रिक मोर्चाले बुधबार नेपाल बन्दको घोषणा गरेका छन् ।

बन्द सफल बनाउन भन्दै नेपाल बन्दको पूर्व सन्ध्यामा पश्चिम नवलपरासी सहित देशैभर मसाल जुलुस गरिएको छ । बर्दघाटमा भएको मसाल जुलुसमा क्रान्तिकारी माओवादी विप्लव नेकपाका नेता कार्यकर्ताहरुले एमसीसी सम्झौता खारेज गर ! दलालहरु होसियार ! लगायतका नारावाजी गरेका थिए ।  शिवनगरबाट निकालिएको जुलुस बर्दघाट चोकमा पुगेर कोणसभामा परिणत भएको थियो ।