नवलपरासी २१ मंसिर : ईन्द्रेणी समाजिक विकास मञ्च पञ्चनगरको आयोजनामा मंगलवार बर्दघाटमा सामुदायिक अगुवाहरुसंगको अन्तरक्रिया कार्यक्रम गरिएको छ । नेपाल सरकार र स्विस सरकारको दुईपक्षिय सम्झौता अनुसार नेपाल सरकार श्रम रोजगार तथा सामाजिक सुरक्षा मन्त्रालय र स्थानिय तहको नेतृत्व र हेल्भेटास नेपालको प्राविधिक सहयोगमा ईन्द्रेणी समाजिक विकास मञ्च पञ्चनगरद्धारा नवलपरासीका सातवटै स्थानीय तहमा सुरक्षित आप्रवासन परियोजना सामी संचालन गर्दै आएको छ ।
सो कार्यक्रममा बोल्दै नगर प्रमुख धीरज शर्मा बस्यालले जनचेतनाका लागि अन्तरक्रिया आवश्यक रहेको बताउदै बैदेशिक रोजगारीमा जादाँ प्रभावकारी जानकारी लिनुपर्ने बताउनुभयो । कार्यक्रममा बर्दघाट नगरपालिका उप–प्रमुख माया देवि पौडेल,प्रमुख प्रशासकिय अधिकृत मेघनाथ पाध्या लगायतको आतिथ्यता रहेको थियो । कार्यक्रममा सामि परियोजनाका संयोजक ज्ञानेश्वर भण्डारीले सामाजिक लागत , सामाजिक लान्छाना र भेदभावका वारेमा मनोसामाजिक सुपरिवेक्षक विनय महर्जन र परियोजनाका प्रदेश संयोजक जिआउल हक मनीहारले वैदेशिक रोजगारीको अवस्था वारेमा जानकारी दिनु भएको थियो । मञ्चका कार्यकारी निर्देशक बद्री प्रसाद सुवेदीको अध्यक्षतामा भएकोकार्यक्रमको संचालन रिटर्नी भोलिन्टियर रामु भुसालले गर्नु भएको थियो ।