भैरहवा : नेकपा ( क्रान्तिकारी माओवादी ) निकट अखिल (क्रान्तिकारी ) ले संगठन विस्तारको अभियानलाई तीब्रता दिएपछि रुपन्देहीमा क्रान्तिकारीमा बिद्यार्थीहरु संगठित हुने क्रम बृद्धि भएको छ ।
सोही क्रममा बिद्यालय तथा क्याम्पस तहमा संगठन निर्माण कार्य तीब्र भएको लुम्बिनी प्रदेश सदस्य मनोज थापाले जानकारी दिनुभयो । उहाँका अनुसार अभियान अन्तरगत भैरहवास्थित भानु माविमा कक्षा ११ र १२ का विद्यार्थीको माझ अन्तरक्रिया गरी कक्षा ईकाइ समिति गठन गरिएको छ ।
कक्षा ११ मा अध्ययनरत सुशील लम्गादेको अध्यक्षतामा ११ सदस्सीय ईकाई समिति र कक्षा १२ मा अध्ययनरत राजकुमार यादवको अध्यक्षता १७ सदस्सीय ईकाई समिति गठन भएको छ । सो क्रममा बिद्यार्थीहरुले शैक्षिक तथा राजनैतिक अन्तरक्रिया समेत गरेका थिए । बिद्यार्थी अगुवाहरुले शैक्षिक तथा राजनैतिक बिषयमा बिद्यार्थीहरुलाई प्रष्ट पारेका थिए ।
