नवलपरासी – नेपाल कम्युनिष्ट पार्टी (नेकपा) ले दाहाल – नेपाल समुहले पश्चिम नवलपरासी सहित देशैभर प्रर्दशन गरेको छ । संसद् विघटनको विरोधमा उक्त समुहका कार्यकर्ताहरूले मंगलबार पश्चिम नवलपरासीको सदरमुकाम परासीमा विरोध प्रदर्शन गरेका हुन । विरोध जुलुसमा सहभागीले प्रधानमन्त्री केपी शर्मा ओलीले चालेको कदमविरूद्ध नाराबाजी लगाएका थिए । बुद्ध चोकमा पुगेर कोण सभामा परिणत भएको थियो। कोणसभामा पूर्व स्थानीय राज्यमन्त्री घनश्याम यादव, नेकपा लुम्बिनी प्रदेशसदस्य वृहस्पति अधिकारी, नेकपाका जिल्ला अध्यक्ष भविश्वर तिवारीलगायतले प्रधानमन्त्रीले लोकतन्त्रलाई समाप्त पार्ने गरी गैर संवैधानिक तरिकाले संसद् विघटन गरेर देशमा संवैधानिक संकट निम्ताएकाले त्यसको रक्षाका लागि सडक आन्दोलनमा उत्रनु परेको बताउनुभयो । त्यस्तै रुपन्देहीले विघटित प्रतिनिधि सभा पुनःस्थापनाको माग गर्दै रुपन्देहीको बुटवलमा वहृत प्रदर्शन गरेको छ । नेकपाका नेता तथा कार्यकर्ताहरुले मंगलबार सडक प्रदर्शन गरेर बुटवलको चौराहा र ट्रफिकचोकमा कोणसभा समेत गरे । कोणसभालाई संवोधन गर्दै नेकपाका स्थायी कमिटि सदस्य घनश्याम भूषालले प्रतिनिधि सभा विघटन गरेर प्रधानमन्त्री केपी शर्मा ओलीले गम्भीर गल्ती गरेको बताउनुभयो । आजको बर्दघाट पोष्ट दैनिकमा खबर छ ।
