बर्दघाट १ असोज : लायन्स क्लब अफ नवलपरासी दाउन्नेको दोस्रो साधारण बैठक बुधवार बर्दघाटमा सम्पन्न भएको छ । बैठकले क्लबलाई थप मजबुत बनाउदै समाजसेवामा जुटने निर्णय लिएको छ ।
साथै कारोना कहरमा भएको रगत अभावलाई मध्यनजर गर्दै यही असोज ३ गते बर्दघाटमा बृहत रक्तदान कार्यक्रम गर्ने निर्णय भएको पब्लिक रिलेसनसिप अफिसर कमल पौडेलले जानकारी दिनुभयो । रक्तदान ७ बजे विहानैबाट शुरु गरिने उहाँले बताउनुभयो । त्यस्तै बैठकमा आन्तरिक कोष परिचालनलगायतका सम्बन्धमा समेत छलफल भएको थियो । बैठकमा नव प्रबेशी लायन सदस्यहरुलाई जोनल चियर पर्सन युवराज डुम्रेले पीन वितरण गर्नुभएको थियो । कार्यक्रम क्लबका अध्यक्ष रामचन्द्र अधिकारीको अध्यक्षतामा भएको थियो ।