बर्दघाट – प्रदेश ५ को पूर्वी प्रबेशद्वार पश्चिम नवलपरासीको बर्दघाट नगरपालिकाले आ.व. २०७७÷०७८ का लागि ९६ करोड ८६ लाख १ हजार ५ सय ७० बराबरको बजेट पारित गरेको छ ।
असार १० गते नीति तथा कार्यक्रम प्रस्तुत गरेको नगरपालिकाले आईतबार आर्थिक बर्ष २०७७÷०७८ का लागि बजेट सभामा प्रस्तुत गरेको हो । छैठौ नगरसभामा नगर उपप्रमुख मायादेवी पौडेलले प्रस्तुत गरेको बजेटमा चालु खर्च तर्फ कुल रकमको ४८. ९६ प्रतिशत ४७ करोड ४३ लाख ११ हजार ५ सय ७० र पुँजीगत तर्फ कुल रकमको ५१.०३ प्रतिशत ४९ करोड ४२ लाख ९० हजार रहेको छ । नगरपालिकाले सडक विकास, विस्तार र स्तरोन्नतिका लागि लागि २२ करोड ७ लाख ६९ हजार , शिक्षा क्षेत्रका लागि २१ करोड ४९ लाख १० हजार, स्वास्थ्य क्षेत्रमा ८ करोड ५१ लख २ हजार बजेट विनियोजन गरेको छ ।
त्यस्तै कृषि र पशुविकास तथा प्रवद्र्धनका लागि ५ करोड ६१ लख ५० हजार , युवा खेलकुद श्रम तथा रोजगार तर्फ १ करोड ९९ लाख ७५ हजार , नगरको पर्यटन विकास तर्फ १ करोड ५६ लाख रुपैयाँ विनियोजन भएको छ । त्यस्तै विद्युत तथा वैकल्पिक उर्जा तर्फ १ करोड ३१ लाख र लैििङ्गक समानता तथा सामाजिक समावेशिकरणमा २४ लाख भवन तथा शहरी विकास तर्फ खरको छानो विस्थापन गर्नका लागि ५० लाख र खानेपानी तथा सरसफाई तर्फ ५० लाख ६९ हजार र सिंचाई तर्फ ५२ लाख ३६ हजार बजेट विनियोजन गरिएको छ ।