पाल्पादेखि बुटवलतर्फ आउँदै गरेको हाइलक्स गाडी पाल्पाको सिद्धबाबा नजिकै तिनाउ नदिमा खस्दा ६ जना घाइते भएका छन् । सिद्धार्थ राजमार्गको बुटवल पाल्पा सडक खण्डमा पर्ने सिद्धबाबा नजिकै प्रदेश प्रदेश ३ को ०१ च, ४५२२ नम्बरको हाइलक्स सडकबाट करिव १ सय ५० मिटर तल खसेको प्रदेश ५ ट्राफिक प्रहरी कार्यालय बुटवलले जानकारी दिएको छ। घाईतेहरु सवैलाई उपचारका लागि बुटवल पठाईएको ५ नं प्रदेश ट्राफिक प्रहरी कार्यालय बुटवलका प्रहरी नायव उपरीक्षक डिल्ली नारायण पाण्डेले बताए ।
घाइते हुनेमा चालक पाल्पा तिनाउ गाउँपालिका ३ झुम्साका ३८ वर्षीय दयाराम पाण्डे, सोही ठाउँका २८ वर्षीय कृष्ण बस्याल, ३६ वर्षीय नन्दलाल बस्याल, ४५ वर्षीय बालकृष्ण बस्याल, ३८ वर्षीय शिव पाण्डे, ३८ वर्षीय विनोद पाण्डे रहेका जिल्ला प्रहरी कार्यालय पाल्पाका प्रहरी निरीक्षक सुरज श्रेष्ठले बताए। उनीहरू सबैको अवस्था गम्भीर छ।Butwal online