बर्दघाट – पश्चिम नवलपरासीको बर्दघाट –४ मा रहेको गोदावरी बचत तथा ऋण सहकारी संस्था लिमिटेडको ९ औं बार्षिक साधारणसभा तथा ५ औं अधिवेशन बिहिबार बर्दघाटमा सम्पन्न भएको छ । कार्यक्रममा प्रमुख अतिथि राष्ट्रिय सहकारी बंैक बर्दघाट शाखा प्रवन्धक सविना पोख्रेल, विशिष्ट अतिथिको रुपमा संस्थाका लेखा परिक्षक हेम राज खनाल, सम्मानित मध्येबाट संस्थाका सल्लाहकार सदस्य बुद्धि नाथ अर्याल, शेयर सदस्यका तर्फबाट शिवप्रसाद पाण्डे, सामुदायिक रेडियो दाउन्नेका पत्रकार रामु भुसाल लगायतले शुभकामना मन्तव्य राख्नुभएको थियो ।
त्यस्तै कार्यक्रममा संस्थाका अध्यक्ष राज बहादुर पोख्रेलले आर्थिक वर्ष ०७५÷ ०७६ को प्रगति प्रतिवेदन र संस्थाका लेखा संयोजक नवराज घिमिरेले लेखा प्रतिबेदन कोषाध्यक्षको प्रतिबेदन ब्यवस्थापक मिना कुमारी भट्टराईले प्रस्तुत गर्नुभयो ।
सो अवसरमा संस्थाका उत्कृष्ट बचत कर्ता अवधेस यादव, असल ऋणी नरिश्वर घिमिरे, उत्कृष्ट कर्मचारी विष्णु कुमारी बोगटी, ज्येष्ठ शेयर सदस्य बुद्धि नाथ अर्याल लाई सम्मान गरिएको थियो । संस्थाका उपाध्यक्ष प्रभा अर्यालको स्वागत मन्तव्यबाट सुरु भएको कार्यक्रमको संचालन सचिव शिव चालिसेले गर्नुभएको थियो ।
नयाँ नेतृत्व चयन
सो अवसरमा सम्पन्न अधिबेशनले आगामी ३ बर्षका लागि राज बहादुर पोख्रेलको अध्यक्षतामा नया कार्य समिति चयन गरेको छ । जसको उपाध्यक्षमा प्रभा अर्याल, सचिव शिव चालिसे, कोषाध्यक्ष नवराज घिमिरे र सदस्यमा नरिश्वर घिमिरे, दिपक पाठक, सुर्य कुमारी नेपाली, रामजी चापागाई, रमेश गुुरुंग र राजेन्द्र तिमिल्सिना रहेका छन । त्यस्तै कृष्ण प्रसाद आचार्यको संयोजकत्वमा ३ सदस्यीय लेखा समिति समेत चयन गरिएको छ । जसको सदस्यहरु कमला देवी शर्मा चापागाई र यशोदा कुमारी गिरी रहेका छन् । कार्यक्रम संस्थाका अध्यक्ष राज बहादुर पोख्रेलको अध्यक्षतामा भएको थियो ।
