नवलपरासी ११ चैत्र – विप्लव नेतृत्वको नेकपाका जिल्ला कार्यकर्ता धनबहादुर मर्दनीयालाई प्रहरीले सोमबार राति उनकै घरबाट नियन्त्रणमा लिएको छ । स्थानीय बासिन्दाका अनुसार उनलाई घरबाट प्रहरीले नियन्त्रणमा लिएको हो । पक्राउ परेका उनलाई प्रहरीले जिल्ला प्रहरी कार्यालय कावासोती नवलपुरमा राखेको छ । मर्दनीया नेकपाका जिल्ला सदस्य रहेको जनाइएको छ । प्रहरीले नवलपुरमा विप्लव गतिविधिलाई शुक्ष्म रुपमा निगरानी राखेको भनेकै दिन प्रहरीले उनलाई नियन्त्रणमा लिएको हो ।
