बर्दघाट – पश्चिम नवलपरासीको बर्दघाट नगरपालिकाले १०० दिनको कार्य प्रगति तथा उपलब्धि सार्वजनिक गर्ने तयारी गरेको छ ।
नगर प्रमुख शम्भुलाल श्रेष्ठ र उपप्रमुख रुद्र प्रकाश उपाध्यायले यस अघि १०० दिनको उपलब्धि सार्वजनिक गरिने बताउदै आउनुभएको थियो । उहाँहरु निर्वाचित भएर आएको सय दिन पुगेको अवसरमा यही भाद्र १५ गते ११ बजे नगरपालिकाको सभाहलमा पत्रकार सम्मेलन गर्ने कार्यक्रम रहेको छ ।
नगरपालिकाका प्रमुख प्रशासकीय अधिकृत कृष्ण प्रसाद सापकोटाले उपलब्धि सार्वजनिक गर्ने उद्धेश्यले भाद्र १५ गते पत्रकार सम्मेलन रहेको जानकारी गराउनुभयो । साथै नगर प्रमुख श्रेष्ठको सचिवालयले समेत यस कार्यक्रमबारे जानकारी दिएको छ ।
