संखुवासभा बस दुर्घटना अपडेट : मृतक १० जना र पाँच घाइतेको पहिचान खुल्यो

By स्थानीय पत्र Last updated Mar 10, 2022

सङ्खुवासभाको मादी नगरपालिका-६ मा भएको बस दुर्घटनामा परी मृत्यु हुनेमध्ये १० जनाको पहिचान खुलेको छ।

बस दुर्घटनामा मृत्यु हुने १४ मध्ये १० जनाको पहिचान खुलेको र १ पुरूष २ महिला र १ बालक गरी ४ जनाको पहिचान अझै खुलेको नखुलेको प्रहरीले जनाएको छ।

बिहीबार बिहान साढे ७ बजे मादीको ओखरबोटे बजारबाट झापाको दमकतर्फ जाँदै गरेको बा ४ ख ७३५ नम्बरको बस दुर्घटनामा परेको थियो।

दुर्घटनामा घाइते भएकामध्ये पाँच जनालाई नेपाली सेनाको हेलिकप्टरबाट उपचारका लागि धरानस्थित बीपी कोइराला स्वास्थ्य विज्ञान प्रतिष्ठान धरान लगिएको प्रमुख जिल्ला अधिकारी नुरहरि खतिवडाले जानकारी दिए।

सबै मृतकको पोस्टमार्टमका लागि चैनपुर अस्पताल लगिएको छ।

मादी नगरपालिकाका मेयर विदुर लिङ्थेपका अनुसार शुरूमा बस पल्टिएपछि भीरमा बजारिएको थियो। बजारिएकै ठाउँमा ९ जनाको मृत्यु भएको पाइएको उनले जानकारी दिए। त्यसपछि बस पल्टिएर भीरमुनि पुग्दा अन्यको मृत्यु भएको हो।

प्रहरीको प्रारम्भीक अनुसन्धान अनुसार गाडी तिब्र गतिमा भएकाले मोडबाट दुर्घटनामा परेको हो।

मृतकहरू

३५ वर्षिय विपिन निरौला (सवारी धनी तथा चालक) औँशीडाँडा, तेह्रथुम
३५ वर्षिय उमेश भट्टराई (सहचालक) मादी–६, संखुवासभा
४५ वर्षिय दीपक दाहाल- मादी ५, संखुवासभा
५२ वर्षिय श्याम शेर्पा- मादी ५, संखुवासभा
५५ वर्षिय भवानी दाहाल- मादी ५, संखुवासभा
३८ वर्षीय इन्द्रबहादुर अधिकारी- मादी ६, संखुवासभा
५ वर्षिया दिक्षा कटवाल- मादी ६, संखुवासभा
अन्जना कटवाल, मादी ६ संखुवासभा
३८ वर्षीय आइतबहादुर तामाङ- मादी ४, संखुवासभा
३५ वर्षिया सबिता राउत कार्की- मादी ४, संखुवासभा

घाइतेहरू

३० वर्षिय सुबास गोले – मादी ५ , संखुवासभा
३० वर्षिय युका पोखरेल- मादी ५, संखुवासभा
२२ वर्षिय तुलसा कट्वाल- मादी ६, संखुवासभा
अम्बिका बिक-मादी ६, संखुवासभा, संखुवासभा
५० वर्षिय डम्बरबहादुर कार्की- मादी ६, संखुवासभा !setopati