बर्दघाट : बर्दघाट नगरपालिका पशुपन्छी तथा मत्स्य विकास शाखाले सम्पन्न गरेका बिभिन्न योजनाहरुको नगर प्रमुख धीरज शर्मा बस्यालले अनुगमन गर्नुभएको छ । नगरपालिका अन्तर्गत रहेको सृजनशिल उन्नत नश्ल गाई स्रोत केन्द्र संगको लागत साझेदारीमा सम्पन्न कार्यक्रमको किसान प्रतिनिधि सहित सोमवार अनुगमन गरिएको हो । कार्यक्रम वाट उक्त समुहमा आवद्ध भएका ४१ कृषक परिवार लाभान्वित भएको शाखा प्रमुख भरत लम्सालले जानकारी दिनुभयो ।
स्विकृत कार्यक्रम लक्ष्य अनुसार बर्दघाट नगरपालिका र सृजनशिल उन्नत नश्ल गाई स्रोत केन्द्र बीच भएको सम्झौता अनुरुप लागत साझेदारीमा कार्यक्रम सम्पन्न भएको हो । कार्यक्रम अन्तर्गत २१ वटा सुधारिएको गोठ निर्माण भएको ११ वटा छाँटी काट्ने मेशिन, ९ वटा ब्रस कटर मेशिन, ३ वटा मिल्किङ मेशिन, ५ वटा काउ म्याट र २ वटा पम्पसेट खरिद भई कृषक उद्यमीहरुले प्राप्त गरेका छन ।
कृषकको आवश्यक्ता अनुसारको कृषि सामाग्री खरिद तथा सोको उचित प्रयोग वाट व्यवसायमा यािन्त्रकीकरण भएको लम्सालको भनाई छ । ब्रस कटरको माध्यमले घाँस काट्ने साथै छाँटी काट्ने मेशिनको प्रयोग वाट घाँस÷पराल लाई टुक्रा टुक्रा बनाई साथमा दाना मिसाएर दिनाले पशु आहारा संतुलित हुने र पशु को स्वास्थ्यमा सुधार आएको एवम् उत्पादन बृद्धि भएको उहाँले बताउनुभयो । सुधारिएको गोठमा काउम्याट समेतको व्यवस्था भई पशुहरु आरामदायी तरिकाले बस्ने गरेको पशुहरुमा थुनेलो, घुडा सुनिने जस्ता समस्याहरुमा न्यूनता आएको स्रोत केन्द्रका अध्यक्ष राम प्रसाद पौडेले बताउनुभयो ।
त्यस्तै पम्पसेटको प्रयोगवाट पशुपालनका लागि लगाईएको हरियो घाँसमा सिंचाईको प्रवन्ध भएको छ । यहाँका ४१ जना यूवा कृषक उद्यमीहरु लाई आफ्नो व्यवसाय संचालनमा खड्किएको समस्या एवम आवश्यक मेशिनरी सामान प्राप्त भई व्यवसायलाई आधुनिक र प्रविधि मैत्री बनाएको छ । २० वटा भन्दा बढी दुधालु पशु पालन गरेका ३ जना कृषकहरुले मिल्किङ मेशिनको प्रयोग गरि दुध दुहुने गर्नु भएको छ । यस वाट कृषकहरुलाई आफ्नो काम छिटो छरितो तवरले सम्पन्न गर्न निकै सहयोग पुगेको कृषक जिवन राना बताउनुहुन्छ ।