बर्दघाट- बर्दघाट उद्योग बाणिज्य संघको आयोजनामा कार्तिक ३० गते देखि सुरु हुने तेश्रो कृषि पर्यटन तथा औद्योगिक ब्यापार मेला २०७५ को प्रदेश नम्बर ५ का मुख्य मन्त्री शंकर पोखरेलले उद्घाटन गर्नुहुने भएको छ । मुख्यमन्त्रीले उद्घाटन गर्ने सो ब्यापार मेलाको तयारी अन्तिम चरणमा पुग्न लागेको आयोजकले बताएका छन् मेलामा २ सय भन्दा बढि स्टल निर्माण हुनेछन् । मेला आयोजना हुने मिति नजिकिदै गर्दा आवश्यक संरचना निर्माण कार्यलाई तिब्रता दिईएको र मेला तयारी अन्तिम चरणमा पुगेको महासचिव लेखनाथ न्यौपानेले बताउनुभयो । मेलालाई ब्यबस्थित गर्नका लागि विभिन्न उपसमिति समेत गठन गरिएको र उपसमितिले आफ्नो जिम्मेवारी अनुसारको काम गरिरहेको अध्यक्ष मिनराज शर्माले बताउनुभयो । मेलाको प्रचार प्रसारका लागि विभिन्न ठाउहरुमा ब्यानर राख्ने काम सुरु गरिसकिएको र संचार माध्यम मार्फत पनि बढि भन्दा बढि सुचना प्रवाह गरिने प्रचार प्रसार संयोजक प्रदिप सुवेदीले बताउनुभएको थियो । स्थानिय उत्पादनको बजारीकरण, पर्यटकिय स्थलको प्रचार प्रसार संगै औद्योगिक क्षेत्रको प्रचार प्रसार र राष्ट्रिय अन्तराष्ट्रिय स्तरमा बजार विस्तारका लागि मेला महत्वपूर्ण सावित हुने अध्यक्ष शर्माले बताउनुभएको थियो ।
