नवलपरासी २० पुष – जिल्लामा नेकपाको ओली पक्षले अगुवा कार्यकर्ता भेला तीब्र बनाएको छ । पार्टीको दाहाल नेपाल समुहले पाल्हीनन्दनमा जिल्ला भेला तथा प्रशिक्षण गरेलगतै ओलीपक्षले पालिकास्तरका भेला तीब्र बनाएको हो । सो क्रममा ओली समुहले बर्दघाट नगरपालिका , रामग्राम नगरपालिका र सुस्ता गाउपालिका भेला गरेको छ । बर्दघाटमा सोमवार भएको भेलामा पार्टीका केन्द्रीय सदस्य बद्रीनाथ खनालले प्रधानमन्त्री केपी शर्मा ओलीलाई पार्टीबाटै काम गर्न नदिएका कारण बाध्यताबंश संसद बिघटन गर्नुपरेको बताउनुभयो ।
केन्द्रीय सदस्य सरिता भुसालले नेकपाको मुलबाटोमा यही भएको बताउदै मूलबाटो छोडेर नजान नेता कार्यकर्तालाई आब्हान गर्नुभयो ।
कार्यक्रममा बर्दघाट नगर उपप्रमुख मायादेवी पौडेल, रुक्मागत ज्ञवाली , बर्दघाट ४ का वडाध्यक्ष रविन्द्रबिक्रम हमाल ,अनेमसंघ जिल्ला संयोजक राधा ढकाललगायतले टोपबहादुर सिंह ठकुरीले बोल्नुभएको थियो । कार्यक्रम पार्टीका बर्दघाट नगर अध्यक्ष ईन्द्रकुमार रानाको अध्यक्षता लक्ष्मी बर्ताैलाको संचालनमा भएको थियो ।
त्यस्तै प्रधानमन्त्री केपी शर्मा ओली नेतृत्वको नेपाल कम्युनिस्ट पार्टी ( नेकपा ) रामग्राम नगर कमिटीको अध्यक्षमा हरिलाल यादव चयन हुनुभएको छ । नेकपा रामग्राम नगर कमिटीको सोमवार सम्पन्न विस्तारित भेलाले अध्यक्षमा यादव र सचिवमा दीपक गैरेलाई चयन गरेको हो । नेकपाका केन्द्रीय सदस्य तुलसी पासीको प्रमुख आतिथ्य तथा हरिलाल यादवको अध्यक्षतामा भएको उक्त कार्यक्रममा नेकपा केन्द्रीय सदस्यहरु बिमला अर्याल, थानप्रसाद गैरे,विरेन्द्र यादव,जिल्ला सदस्य रामचन्द्र भण्डारी,प्रदेश विभाग सदस्य बिमल पौडेल,रामग्राम १८ का कार्यबाहक वडाध्यक्ष शेर बहादुर थारु लगायतले बोल्दै प्रधानमन्त्री ओलीलाई देश र जनताको पक्षमा काम गर्न नदिएकाले बाध्य भएर संसद् विघटन गर्नुपरेको बताउनुभएको थियो ।
त्यस्तै नेपाल कम्युनिष्ट पार्टी(नेकपा) निकट जनसांस्कृतिक महासंघ नेपालको विस्तारित बैठक सम्पन्न भएको छ । काठमाडौँमा भएको बैठकले महासंघकी केन्द्रिय सदस्य सिन्धु जलेसा बुढाथोकीलाई लुम्बिनी प्रदेशको ईन्चार्जको जिम्मेवारी दिएको छ । यसैगरी पश्चिम नवलपरासीबाट राजकुमार श्रेष्ठ जनसांस्कृतिक महासंघको केन्द्रिय सदस्यमा मनोनित भएको महासंघले जनाएको छ ।