बर्दघाट १५ पुष – बर्दघाट नगरपालिकाले बरामद गरेको प्लाष्टिकका पाउचमा प्याकेजिङ गरेका सुर्ती तथा गुटखा बुधवार नष्ट गरिएको छ । ईलाका प्रहरी कार्यालय बर्दघाट परिसरमा सरोकारावालाहरुको उपस्थितिमा सुर्ती तथा गुटखा नष्ट गरिएको थियो । नगरलाई पाउचमा प्याकेजिङ गरिएका सुर्ती तथा गुट्खामुक्त बनाउने अभियान अन्तरगत अनुगमन टोलीले ती सुर्तीजन्य पद्धार्थ बरामद गरिएको थियो ।
नगरपालिकाका अनुगमन अधिकृत पुस्कर काफ्ले, ईलाका प्रहरी कार्यालय बर्दघाटका प्रमुख तथा प्रहरी निरिक्षकमा कपिल वाग्ले सहितको रोहवरमा सुर्ती नष्ट गरिएको हो । त्यस्तै बर्दघाट १० बाट बजारतर्फ ल्याउदै गरेको ४० लिटर घरेलु मदिरा समेत नष्ट गरिएको ईलाका प्रहरी कार्यालय बर्दघाटले जनाएको छ ।