पुस १३/प्रतिनिधि सभा विघटनविरुद्ध प्रमुख प्रतिपक्ष दल नेपाली कांग्रेसले आज देशभर प्रदर्शन गर्दै छ। मुलुकका १ सय ६५ वटै निर्वाचन क्षेत्रमा कांग्रेसले प्रदर्शन र सभा गर्न लागेको हो । प्रधानमन्त्रीको सिफारिसमा राष्ट्रपतिले पुस ५ गते संसद् विघटन गरेपछि कांग्रेसले पहिलो पटक देश व्यापी रुपमा प्रदर्शन गर्न लागेको हो । संसद विघटन भएपनि ६ गते नै कांग्रेसको पदाधिकारी बैठकबाट सो कदमलाई असंवैधानिक, अलोकतान्त्रिक र अधिनायकवादउन्मुख भनेको भनेको थियो। कांग्रेसभित्र निर्वाचनलाई उपयोग गर्ने कि विघटन विरुद्ध आन्दोलन गर्ने भन्ने दुइमत देखिएका बेला पछिल्लो केन्द्रीय समितिको बैठकले प्रदर्शन गर्ने सडक आन्दोलन गर्ने निर्णय गरेको थियो ।
यस्तै रुपन्देहीको पनि ५ वटै निर्वाचन क्षेत्रमा प्रदर्शन हुने छ। क्षेत्र नम्बर १ को धकदयीमा, क्षेत्र नम्बर २ को बुटवलको ट्राफिक चोकमा, क्षेत्र नम्बर ३ को भैरहवाको मिलनचोकमा, क्षेत्र नम्बर ४ को मझगवाँमा र क्षेत्र नम्बर ५ को सालझण्डीमा प्रदर्शन हुने नेपाली कांग्रेस रुपन्देहीले जनाएको छ।
लुम्बिनी टाइम्स