सुदूरपश्चिम प्रदेशमा एक सय २ ओटा इँटा उद्योग दर्ता छन्। जसमध्ये २२ उद्योग बन्द भएका छन् भने ८० उद्योग मात्रै सञ्चालनमा छन्। सञ्चालनमा रहेका ८० उद्योग पनि बन्द हुने अवस्थामा छन्। ८० उद्योगमा मौसमी रोजगार पाउँदै आएका १२ हजार मदजुरको रोजगारी खोसिने त्रास छ।
प्रदेशमा उत्पादन भएका इँट्टा बिक्री हुन छोडेको र कच्चापदार्थको मूल्य वृद्धि भएकाले उद्योगहरु धरासयी भएको सेती–महानकाली इँट्टा व्यवसायी संघका अध्यक्ष विनोदकुमार शाहले बताए। डिजेल, कोइला तथा माटोको मूल्य वृद्धि हुनु र इँट्टाले बजार नपाएकाले उद्योगहरु बन्द हुने क्रम बढेको उनले बताए।
नेपाल सरकारले पूर्वाधार निर्माणका योजनालाई तिव्रता नदिएकाले पनि इँट्टा उद्योगहरु धरासयी हुने भएका हुन्। नेपालभर एक हजार २ सय इँट्टा उद्योग दर्ता भएका छन्। अहिलेसम्म चार सय बढी उद्योगहरु बन्द भएको नेपाल इँट्टा उद्योग महासंघका अध्यक्ष शंकरबहादुर चन्दले बताए।
इँट्टा उत्पादनको समयमा एक उद्योगमा प्राविधिकसहित एक सय ५० जनाले रोजगारी पाएका हुन्छन्। नेपालमा सञ्चालनमा रहेका ८ सय उद्योगमा एक लाख २० हजारले रोजगारी पाएका छन्। सञ्चालनमा रहेका इँट्टा उद्योगहरु बन्द भए उनीहरुको रोजगारी गुम्ने भएको छ। नेपालमा सञ्चालनमा रहेका इँट्टा उद्योगहरुमा भारतीय प्राविधिक तथा कामदारहरु धेरै छन्।
गत वर्ष नेपालभर आठ सय इँट्टा उद्योग बन्द भएका छन् भने सुदूरपश्चिममा मात्रै २२ उद्योग बन्द भएका छन्। सरकारले इँट्टा उद्योगका लागि कुनै अनुदान नदिने भएकाले नेपालमा सबै इँट्टा उद्योग पूर्णरुपमा बन्द हुने चिन्ता गरिएको छ। dineshkhabar