हात्तीको आक्रमणबाट स्कुटरमा सवार महिलाको मृत्यु

By स्थानीय पत्र Last updated Sep 3, 2022

स्कुटरमा सवार एक महिलाको हात्तीको आक्रमणबाट मृत्यु भएको छ।

शुक्रबार साँझ ५ः४० बजेतिर झापाको मेचीनगर–९ मा रहेको थोप्लेबिरान सामुदायिक वन क्षेत्रको भित्री सडकबाट स्कुटर चलाएर घर गइरहेकी एक महिलाको हात्तीको आक्रमणबाट मृत्यु भएको हो।

मृत्यु हुनेमा बुद्धशान्ति–५ की ३४ वर्षीया सम्झना श्रेष्ठ रहेको जिल्ला प्रहरी कार्यालय झापाले जनाएको छ।

मे७प २०४६ नम्बरको स्कुटरमा सवार श्रेष्ठलाई अचानक देखापरेको हात्तीले आक्रमण गरेर गम्भीर घाइते बनाएको थियो।

उनलाई उपचारका लागि आम्दा अस्पताल लगिएको थियो। उपचारकै क्रममा मृत्यु भएको प्रहरीले जनाएको छ।

यसअघि भदौ १४ गते बाह्रदशी–१ का ८० वर्षीय देबीबहादुर अधिकारीको पनि हात्तीको आक्रमणमा मृत्यु भएको थियो। अधिकारी स्थानीय मनकामना सामुदायिक वनमा घाँस काट्न जाँदा सो घटना भएको थियो। setopati