उदयपुरको कटारी नगरपालिका–१० स्थित सोरुङ छबिसेमा वैशाख ३० मा स्थानीय तह निर्वाचनको मतदान सकिएपछि झडप भयो । झडपमा प्रहरीले गोली चलाउँदा स्थानिय वीर बहादुर कटुवाल ‘नविन’ले ज्यान गुमाए ।
मतपेटिका संकलन गरेर मतगणना स्थलमा लैजाने बेलामा भएको झडपमा एकजना घाइते समेत भएका थिए । शनिवार प्रमुख जिल्ला अधिकारी र त्यहाँ क्रियाशील सवै दलका प्रतिनिधिहरुको बीचमा शव पोष्टमार्टमका लागि अस्पताल लैजाने र मतपेटिका उठाउने सहमति भएको थियो । तर, सो सहमतिलाई स्थानीयले अस्विकार गरेका छन् ।
आइतबार प्रमुख जिल्ला वीरेन्द्र कुमार यादव र प्रहरी उपरिक्षक सुवास बोहरा घटनास्थलमा गएका छन् । घटनास्थलमा बसेर समस्या सुल्झाउने प्रयास भइरहेको जिल्ला प्रहरी कार्यालय उदयपुरका डिएसपी सन्तोष आचार्यले रातोपाटीलाई बताए ।