राष्ट्रघातीहरुले आयोजना गरेको निर्वाचन सशक्त रुपमा निर्वाचन बहिस्कार निर्णय

नवलपरासी – मोहन बैद्य किरण नेतृत्वको नेकपा (क्रान्तिकारी माओवादी) निकट अखिल (क्रान्तिकारी) पश्चिम नवलपरासीले एमसीसी पारित गर्ने मतियारहरुलाई स्थानीय निर्वाचनमा मत नहाल्न अपिल गरेको छ । बर्दघाटमा शुक्रवार भएको क्रान्तिकारीको बैठकले स्थानीय निर्वाचनमा पैसा बाँडेर जनतालाई भम्रित बनाउने राष्ट्रघाती दलालहरुले आयोजना गरेको निर्वाचन आवश्यक नभएको बताउदंै सशक्त रुपमा निर्वाचन बहिस्कार निर्णय भएको जिल्ला संयोजक सन्तोष तिवारीले जानकारी दिनुभयो ।
एमसीसीका मतियार,भष्ट्र दलाल तथा कमिशनखोरहरुलाई भोट दिन नहुने क्रान्तिकारीको निष्र्कष रहेको छ ।
स्थानीय तहमा नो भोटको ब्यवस्था हुनुपर्ने बताउदै अखिल(क्रान्तिकारी)ले नो भोट को ब्यवस्था नभएकाले बहिष्कारको बिकल्प बताएको छ ।
त्यस्तै बैठकले शैक्षिक माफियाकरण तथा नीजिकरणका बिरुद्ध समेत आन्दोलन उठाउने निर्णय भएको तिवारीले बताउनुभयो ।
कार्यक्रममा प्रमुख अतिथि अखिल (क्रान्तिकारी)का केन्द्रीय सदस्य दिल बहादुर चुदाँराले अखिल (क्रान्तिकारी) शैक्षिक ब्यापारीकरणका बिरुद्ध खरो रुपमा उत्रिने बताउनुभयो । उहाँले गाउँ गाउँमा संसदवादीहरुले गरेको भष्ट्रचारको बिरुद्ध भण्डाफोर गर्ने बताउनुभयो । कार्यक्रममा नेकपा( क्रान्तिकारी माओवादी)का केन्द्रीय सल्लाहकार तथा जिल्ला ईञ्चार्ज संकल्पको बिशेष आतिथ्यता तथा कार्यबहाक जिल्ला सेक्रेटरी समरको आतिथ्यता रहेको थियो ।