भन्सार छलीका एक करोड ६० लाख बराबरको सामान बरामद

By स्थानीय पत्र Last updated Mar 13, 2022

भन्सार छलेर ल्याइएको ठूलो परिमाणको मेडिकल सामग्री तथा खुद्रा मालवस्तु प्रहरीले बरामद गरेको छ।

पर्सा प्रहरीले शनिबार राति वीरगञ्ज महानगरपालिका-१४ गण्डक सडकखण्डबाट एक करोड ६० लाख मूल्य बराबरको सामान बरामद गरेको हो।

प्रदेश-१-२००१ख ९२५२ नम्बरको ट्रकलाई चेक गर्दा उक्त परिमाणको सामान बरामद भएको पर्सा प्रहरी प्रवक्ता प्रहरी नायब उपरीक्षक ओमप्रकाश खनालले बताए।

बरामद सामानसहितको ट्रक आइतबार राजश्व अनुसन्धान कार्यालय पथलैया पठाइएको खनालले बताए।setopati