यो नेपालको उत्तर–पश्चिममा पर्ने कर्णाली प्रदेशको मुगु र जुम्ला जिल्लामा अवस्थित छ । मुगु जिल्लाको दक्षिण र जुम्ला जिल्लाको उत्तर–पश्चिममा पर्ने यस निकुञ्जको क्षेत्रफल १०६ वर्ग कि.मि. छ । निकुञ्जको अधिकतम अर्थात् ९० प्रतिशत भाग मुगु र बाँकी १० प्रतिशत जुम्ला जिल्लामा पर्छ । वरिपरि हरियो कोणधारी वनजङ्गलले घेरिएको उच्च हिमाली भूभागमा रहेको आकाशको रङअनुसार आफ्नो रङ फेरिरहने रारा तालमा सल्बलाउने कञ्चन पानी यस निकुञ्जको मुख्य आकर्षण मानिन्छ । gorkhapatra