सुदूरपश्चिममा हलिया पुनःस्थापनाको नाममा रकम असुल्ने गिरोह सक्रिय

वीरेन्द्र भट्ट, धनगढीः सरकारले हलिया मुक्तिको घोषणा गरेको १३ वर्ष पूरा भइसकेको छ। सरकारले २१ भदौ २०६५ मा हलिया मुक्तिको घोषणा गरिएको थियो। हलियाहरूको तथ्यांक संकलनसंगै पुनःस्थापनालगायतका विषयमा सहमतिपछि घोषणा गरिएको हलियाहरूको मुक्ति व्यवहारतः अझै हुन सकेको छैन। जसका कारण सुचीकरणमा नपरेका परिवारलाई सुचिकरणमा पारिदिने र पुनःस्थापना गर्ने भन्दै सुदूरपश्चिमका गाउँगाउँमा रकम संकलन गर्ने गिरोह सक्रिय भएको छ।