दुई वर्षसम्म चलचित्र नियमित रुपमा रिलिज हुन नसक्दा कतिपय कलाकारहरु मौन देखिएका छन् । यसमा पर्छन्, अभिनेता प्रदीप खड्का ।

चलचित्र रिलिज नहुँदा अभिनेता प्रदीप खड्काको करिअरमा ठूलो धक्का लागेको छ । किनकि, दुई वर्षसम्म चलचित्र रिलिज नहुँदा प्रदीपको अगाडिको बाटो अझै स्पष्ट छैन । म्युजिक भिडियोमा अभिनय नगरेका प्रदीप सार्वजनिक कार्यक्रममा पनि निक्कै कम देखिए । जसले गर्दा उनी मिडिया र फ्यानबाट टाढाजस्तै छन् ।

प्रदीपले अरु केही चलचित्र साइन गरेर बसेका छन् । तर ती चलचित्रको काम पनि कहिलेबाट सुरु हुन्छ निश्चित छैन ।

पल शाह, पुष्प खड्का लगायत अभिनेताहरु यो दुई वर्ष म्युजिक भिडियोका कारण दर्शकमाझ देखिए । अभिनेता अनमोल केसी नयाँ चलचित्रको खबरले चर्चामा रहे । प्रदीप भने ‘प्रकाश’मा काम गर्नुबाहेक अन्य समय मौन नै देखिएका छन् ।onlinekhabar