नवलपरासी – पश्चिम नवलपरासीको बर्दघाट नगरपालिकाले बेरुजु घटाउदैं लगेको जनाएको छ ।
सोमवार नगर कार्यपालिकाको कार्यालयको गत आ.व २०७७÷०७८ को बार्षिक प्रगति समिक्षा गोष्ठीमा सो जानकारी दिइएको हो ।
कार्यक्रममा लेखा अधिकृत बिष्णुलाल पुरीले गत आ.व सम्ममा करिब १० करोड बेरुजु रहेकोमा ३ करोड बेरुजू र्फछर्याैट भईसकेको र बाँकी बेरुजु समेत र्फछ्यौटकै क्रममा रहेको जानकारी दिनुभयो ।
कार्यालयबाट असुल उपर भइसकेका बेरुजु समेत प्राबिधिक कारणले देखिदाँ बेरुजु बढी देखिने गरेको उहाँले बताउनुभयो । हामीले असुल उपर गरेका बेरुजु महालेखा परिक्षक कहाँबाट जानकारी गराएका हुन्छौ – उहाँले भन्नुभयो – त्यहाँबाट आउदाँ केही समय लाग्छ । त्यसैले यहाँ बेरुजु देखिन्छ । पेश्की बेरुजुका कारण समेत बेरुजु बढी देखिने भएपनि यो हाल सम्मकै बेरुजु रहेको उहाँको भनाई छ ।
गोष्ठीमा नगरपालिकाले गत आ.व को बित्तिय लक्ष्य र प्रगतिका बारेमा समिक्षा गरिएको थियो । बर्दघाट नगरपालिकाले गत अर्थिक बर्षमा १ अर्ब ४ करोड बजेट मा ८२ .०६ प्रतिशत प्रगती गरेको प्रतिवेदन प्रस्तुत गरिएको थियो ।
गोष्ठीमा प्रमुख प्रशासकिय अधिकृत मेघनाथ पाध्याले नगरमा कुल ७७८ योजनाहरु रहेकोमा उपभोक्ता समिति बाट ६७८ ठेक्का प्रक्रियाबाट ७० र कोटेशन विधि बाट ३० योजना हरु सम्पन्न भएको बताउनुभयो ।
प्रतिवेदन प्रस्तुत गर्दै उहाँले चालु खर्च तर्फ ८६.७५ प्रतिशत र पुजिगत खर्च तर्फ ७९.०८ प्रतिशत खर्च भएको बताउनुभयो ।
साथै आर्थिक बिकास तर्फ ७८.३१ प््रतिशत , सामाजिक बिकास तर्फ ९५.१८ प्रतिशत , पुर्वाधार विकास तर्फ ७४.०९ प्रतिशत , सुसाशन तथा अन्तर सम्बन्धित क्षेत्र मा ८६.६५ प्रतिशत कार्यालय सञ्चालन तथा प्रशासनिक तर्फ ८७.५३ प्रतिशत खर्च भएको प्रतिवेदनमा उल्लेख छ ।
सो अवसरमा नगरले गत आ.व मा विभिन्न शिर्षक बाट ९ करोड ९४ लाख पुजी सञ्चित भएको जानकारी दिइयो ।
कार्यक्रममा शिक्षा शाखा प्रमुख ईन्द्र बहादुर कुवर , कृषि विकास शाखा प्रमुख युवराज लम्साल ,स्वास्थ्य शाखा प्रमुख माधव ज्ञवाली , पशुपंक्षी विकास शाखा प्रमुख भरत लम्साल , महिला तथा बालबालिका शाखा अप्सरा सुवेदी लगायतले शाखाको प्रगति प्रतिवेदन प्रस्तुत गर्नुभएको थियो ।
कार्यक्रममा बर्दघाट नगरपालिकाका नगरप्रमुख धीरज शर्मा बस्यालको अध्यक्षता रहेको थियो । कार्यक्रममा नगर उप प्रमुख मायादेवी पौडेल , कार्यपालिका सदस्य क्रियाशिल राजनितिक दलका प्रतिनिधि , विभिन्न संघ संस्थाका प्रतिनिधि लगायत सञ्चारकर्मी को सहभागिता रहेको थियो । कार्यक्रमको संचालन नगरपालिकाका कार्यक्रम अधिकृत पुष्कर काफ्लेले गर्नुभएको थियो ।