नवलपरासी : बर्दघाट नगरपालिकाका नगर प्रमुख धीरज शर्मा बस्यालले धानको बीउ बितरण गर्ने सहकारीहरुको अनुगमन गर्नुभएको छ । सोमवार उहाँले मधुवन कृषि बहुउदेश्शीय सहकारी संस्था बर्दघाट ९ जनभावना बहुउदेश्शीय सहकारी संस्था बर्दघाट १२ को अनुगमन गर्दै बितरण प्रणालीबारे जानकारी लिनुभएको हो ।
नगरले मधुवन कृषि , जनभावना र सिर्जनसिल बिउ बैक बर्दघाट १५ लगायतका सहकारी÷संस्था मार्फत कृषकलाई बीउ वितरण शुरु गरेको थियो ।
कृषि विकास शाखाले कृषकहरुका लागि ५० प्रतिशत अनुदानमा धानको बिउ वितरण शुरु गरेको हो ।
नगरमा धान उत्पादन बृद्धि गरी खाद्यान्नमा आत्मनिर्भर बनाउने उदेश्यले धानको बिउ वितरण शुरु गरिएको नगर प्रमुख धीरज शर्मा बस्यालले बताउनुभयो ।
किसानहरुले नगरले यसैगरी कृषिमा अनुदान दिनुपर्ने बताउदै अझ समयमै धानको बिउ बितरण हुनुपर्नेमा जोड दिएका थिए ।
कृषि विकास अधिकृत युवराज लम्सालका अनुसार जेठ १५ गते सम्म धानको बिउ वितरण सम्पन्न गर्ने गरी योजना बनाइएको छ ।
लालपुर्जा भएका कृषकले लालपुर्जाको प्रतिलिपि सहितका कागजपत्र र नभएकाले वडाको सिफारिस लिएर योजनामा समाबेश हुन सक्ने बर्दघाट नगरपालिकाले जनाएको छ ।
