प्रतापपुर गाउँपालिका नवलपरासी ब.सु.प.ले अक्सिजन सहितको १५ बेडको आइसोलेसन कक्ष सञ्चालनमा ल्याएको छ ।
नयाँ भेरियन्ट सहितको कोरोना भाईरस संक्रमण बढिरहेका बेला गाउँपालिकाबासीको सुविधाका लागी वडा नं.९ बेलाटारीमा रहेको त्रिभुवन क्याम्पसमा आईसोलेसन कक्ष सञ्चालनमा ल्याईएको कार्यवहाक अध्यक्ष अञ्जु कुमारी चौधरीले जानकारी दिनु भयो ।
त्यस्तै प्रतापपुर गाउँपालिकाले लक्षण देखिएका गाउँपालिकाबासीको निःशुल्क पिसिआर परिक्षण सुरु गरेको छ ।
वडा नं.२ सेमरीमा रहेको जगन्नाथपुर प्राथमिक स्वास्थ्य केन्द्रमा यहि बैशाख २० र २२ गते ३३ जनाको स्वाब संकलन गरि पिसिआर परिक्षणका लागि भैरहवा पठाईएको स्वास्थ्य शाखा प्रमुख ईन्द्र लामिछानेले जानकारी दिनु भयो ।
त्यस्तै गाउँपालिकाले जटिल अवस्थाका कोरोना भाईरस संक्रमित गाउँपालिकाबासीको लागि एम्बुलेन्स तयारी अवस्थामा राखेको छ । हाल प्रतापपुर गाउँपालिकामा १५ जना (एन्टीजेन टेस्ट) सक्रिय कोरोना भाईरस संक्रमित रहेका छन् ।