बर्दिबास : महोत्तरीको भंगहा–८ धर्मपुरबाट हराएका पाँच बालिकासहित सातजना सम्पर्कविहीन भेटिएका छन्। मंगलबार दिउँसो घाँस काट्न जाँदा हराएका उनीहरु भारतको सीतामढीमा बुधबार भेटिएको भंगहाका मेयर सञ्जीवकुमार साहले जानकारी दिए। यद्यपी प्रहरीले भने महोत्तरीबाट हराएका किशोरीहरू भारतमा भेटिएको कुरा हालसम्म पुष्टि गरेको छैन।
मेयर साहका अनुसार ११ वर्षीया अर्चना पासमान, १२ वर्षीया सीमा र रञ्जना पासमान, १३ वर्षीया ज्योति र रिया पासमान, १७ वर्षीया नगिना पासमान र २० वर्षीया अस्मिता पासमान हराएका थिए।