बर्दघाट ः नव दिब्यज्योति आधारभुत बिद्यालय बर्दघाट ४ दिब्यनगरका बालबालिकाहरुलाई लिला भट्टराई (गीता ) र उनको परिवारले पोसाक तथा शैक्षिक सामाग्री सहयोग गरेको छ । ११ हजार ५ सय बराबरको ती सामाग्री उनको परिवारले प्रदान गरेको बिद्यालयले जनाएको छ । जन्मदिन मनाउने खर्चबाट भटट्राई परिवारले बालबालिकालाई सहयोग गरेको बिद्यालय ब्यवस्थापन समितिका अध्यक्ष रामचन्द्र अधिकारीले जानकारी दिनुभयो ।
सो अवसरमा बिद्यालयको सम्पुर्ण बालबालिकाहरु लाई बिस्कुट तथा चक्लेट बितरन गरिएको थियो ।
कार्यक्रममा बिद्यालयका सल्लाहकारशरु भिमबहादुर राना, हरि प्रसाद न्यौपानेलगायतको उपस्थिति रहेको प्रधानाध्यापक बोल्गा नेपालले बताउनुभयो । कान्छो छोरा क्षितिज भट्टराई र जेठी बुहारी सन्ध्या भटट्राईको जन्मदिनको अवसरमा भट्टराई परिवारले बालविकासका २४ जना बालबालिकाहरुलाई पोसाक दिनुभएको थियो ।
